دعاء فاروق وياسمين عز ونامر أمين.. رسائل وتلميحات من سارة نخلة بعد حلقة المساكنة

علقت الفنانة السورية سارة نخلة على هجوم الإعلامية دعاء فاروق بسبب حلقتها المثيرة للجدل مع الفنانة بسنت النبراويي، التي كشفت خلالها عن رأيها في المساكنة قبل الزواج.

سارة نخلة ترد على هجوم دعاء فاروق

وشاركت سارة نخلة، منشورا عبر حسابها بموقع «فيس بوك»، قائلة: «سؤال المساكنة هو سؤالي والمذيعة هي أنا وبرنامج فيس أوف هو برنامجي وقناة هي هي بيتي واستاذ ايهاب جلال هو معلمي واستاذي عشان كدا انا محترمة كل ماسبق ولم ارد على التريند وقاعدة بتفرج وهارد في برنامجي برضو وقدام كاميرتي برضو على المذيعة دعاء اللي طالعة تنتقد وتهاجم من غير ما حتى تعذب نفسها وتتفرج على الحلقة كل إلى شافته خبر خبرين تلاتة مكتوبين أن بسنت النبراوي قالت ممكن أعمل مساكنة لو مش حرام».

أضافت: «الأستاذة دعاء قرت الخبر وقررت انها تهاجم وتركب تريند حتى قبل ما تشوف الحلقة وقال ايه انتو بتتكلموا عن المساكنة كدا عادي! طيب حضرتك اتفرجي الاول شوفي قولنا ايه، ولا في موجة وفي تريند الحق نفسي واعلق بسرعة!».

واستكملت: «انا سارة نخلة انا هي المذيعه اللي حضرتك بتهاجميها ومع ذلك انا فضلت ساكتة مبارح، ولكن النهاردة برضو استاذ تامر امين المحترم طلع يتكلم عن الموضوع وقال بسنب عليها هجوم عشان معرفش فين ومع مين حصل دا، طب برضو حضرتك ممكن تفتح الحلقة وتتفرج عشان تعرف اللي حصل، وانت عارفني كويس جدا جدا ومن زمان اوي، وبحترمك جدا وفي بينا كل المودة والاحترام المفروض انك تذكر إلى شوفته بجد مش تقول معرفش فين وامتى».

أضافت: «حق الرد هايكون في حلقتي يوم السبت أن شاء لله، على كل من يتطاول ويهاجم بدون أي سابق معرفة عن اللي بيحصل، وعلى فكرة الخمرة لو مش حرام كنا شربناها، ولحم الخنزير لو مش حرام كنا اكلناه، بس الحرام الاكبر انك تغتابي حد، وتهاجمي حد وانتي اصلا مالكيش حق، حضرتك ست محجبة وعارفة الحلال من الحرام يبقى ندخل نتفرج ونتحرى الدقة بعدين نعمل لايف نهاجم فيه زميلتنا اللي هي انا وطالما حضرتك قلبك على الاعلام وخايفة عليه مني ومن اسئلتي بحب اقولك هناك من هم أحق بالمهاجمة دي، في مذيعات بتعلم الستات تبقى معندهاش كرامة وبتعلمها ازاي تبقى سجادة تحت رجلين جوزها يدوس عليها ساعة ما يحب، ليه حضرتك ما تكلمتيش وانتقدتي وهاجمتي، انا عارفة ليه ومش هاقول دلوقتي استنيني يوم السبت بحق الرد أن شاء الله».

دعاء فارق ترد على تصريحات بسنت النبراوي: «انتي مدركة بتقولي إيه بتقولي»

وكانت الإعلامية دعاء فاروق علقت على تصريحات الفنانة الشابه بسنت النبراوي، عن تصريحاتها التي أثارت جدلا واسعها خلال الايام القليلة الماضية، وذلك بعدما كشفت عن موافقتها بالمساكنة شرط ألا تكون حلال.

ونشرت دعاء فاروق، مقطع فيديو، عبر حسابها الرسمي بموقع الفيديوهات الشهير «يوتيوب»، وقالت :«بقينا بنتكلم عن المساكنة وكأنها شيء عادي ومش حرام، المساكنة هي الزنا، ده معناها».

وأضافت: «إزاي فنانة تطلع وتقول لو المساكنة حلال كنت عملتها، انتي مدركة بتقولي إيه بتقولي لو الزنا حلال كنت عملته ده ازاي؟».

تابعت: «هي المساكنة بقت قصة عادية نتناقش فيها؟ بكره نسمي»بيوت الدعارة ــ بيوت السعادة«، ونسأل الشباب في الجامعات والشوارع تحب تروح بيوت السعادة؟».

View this post on Instagram

A post shared by Doaa Farouk (@doaafarouk)

الفنانة بسنت النبراوي تكشف عن رايها في المساكنة

وكانت الفنانة الشابه بسنت النبراوي كشفت عن رأيها في المساكنة، وأضافت خلال استضافتها في برنامج Faceoff مع الاعلامية سارة نخلة قائلة: «المساكنة أولا حرام في الدين، لكن لو كانت مش حرام كنت هقول ده حقي انى اعمل كده«.

موضحه: «لو في حاجة الدين مش محرمها مش مهم المجتمع فيها أوي، الدين الأول والأهم».

2023-06-07T23:45:56Z dg43tfdfdgfd