محمد رمضان: من يوم ما دخلت الدراما في 2014 مفيش ممثل تركي طبعوا صورته على تيشيرتات (فيديو)
كشف الفنان محمد رمضان عن رؤيته للدراما المصرية ومنافستها للدراما التركية، حيث أكد أنه منذ تقديمه لبطولة مسلسل ابن حلال عام 2014 لم يطبعوا صورة ممثل تركي على تيشيرتات مثلما كان يحدث قبل 2014.
وأضاف في لقاءه مع الإعلامي معتز الدمرداش في برنامج ضيفي مع معتز على قناة الشرق الإخبارية: «كان بقالي خمس سنين بعيد عن السينما من قبل الكورونا بسنة، في الفترة دي دخلت عملت بحث عن أكتر فيلم المصريين شافوا في السينما لاقيته فيلم سبيدر مان، يمكن في السوق المصري بنقيس بالسيزون لكن هناك فيلم أمريكي اسمه سبيدر مان كان أكتر فيلم قطع له تذاكر في جمهورية مصر العربية آخر خمس سنين».
وأضاف: «ده شئ يدعو للتفكير، اللي عملوا نسبة الايراد دول هم مصريين، طيب ليه العدد ده مدخلش فيلم مصري؟ فمحتاج أطور من نفسي عشان أجذب المصريين يشوفوا فيلم مصري، بعيدًا عن ظروف الانتاج والامكانيات بيننا وبين السينما الأمريكية».
واستطرد: «نفس الفكرة كانت قبل مسلسل ابن حلال، يعني إيه مسلسل تركي يتشاف أكتر من مسلسلات المصرية؟! ده كان خالق جوايا روح تحدي وغيرة إن والله ما هيحصل تاني، أن ممثل تركي يتحط صورته على تيشيرتات، فكان قبل ابن حلال، كان فيه ممثل تركي بتتتحط صوره على تيشيرتات، ومسلسلات تركية أرقام مشاهداتها أعلى من المسلسلات المصرية، من 2014 حتى هذه اللحظة هذا لم يحدث مع احترامي للدراما السورية والسعودية والعراقية واللبنانية والتركية، مفيش مسلسل غير مصري تفوق على مسلسلات مصرية».