ليلى أحمد زاهر: رسالة "اعلى نسبة مشاهدة" مش إن أمثال شيماء يطلعوا من السجن .. اللي يغلط لازم يتعاقب

تحدثت الفنانة ليلى أحمد زاهر عن رسالة مسلسل "أعلى نسبة مشاهدة" الذي عرض في النصف الأول من رمضان 2024.

مسلسل "أعلى نسبة مشاهدة" من بطولة سلمى أبو ضيف في دور "شيماء فتحي" وهي طالبة تحقق شهرة مفاجأة على تطبيق تيك توك ولكن حياتها تنقلب رأسًا على عقب وتتورط في عدة جرائم آداب.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

تلعب ليلى أحمد زاهر دور "نسمة"، شقيقة "شيماء"، وهي تغير منها لدرجة تصل لإفسادها حياتها بأكثر من طريقة لأنها سعت وراء الشهرة من قبلها.

سلمى أبو ضيف وليلى أحمد زاهر

وعلقت ليلى أحمد زاهر على رأيها في تطبيق TikTok قائلة: "في حاجات على تيك توك محتاجة رقابة في حاجات بتتعمل مش صح، مش رسالتنا ان لو حد عمل زي شيماء المفروض يخرج من السجن، اللي غلط معروف إن هو يتعاقب، بدليل إن النهاية شيماء اتحبست، مخليناش القاضي يتعاطف معاها وقلنالها يلا أخرجي".

ليلى أحمد زاهر في دور نسمة

وأضافت ليلى: "في حاجات مش كويسة وناس غصب عنها زي نسمة وشيماء معندهمش حد يهتم بيهم ويقولهم كلام حلو، الأم دايما بتضايق شيماء وبتعلق على الحاجات السلبية، لو أهلنا ادونا اهتمام، مش هندور عليه برا، الناس اللي عالتيك توك مش لاقية حد مهتم بيها أو يعبرها ولا أي حاجة فبتخش تكلم ناس متعرفهاش وبتعمل حاجات غريبة وأنا ضد دة فلازم يبقى في رقابة على الحاجات دي".

مسلسل "أعلى نسبة مشاهدة" متاح على منصة شاهد وهو من إخراج ياسمين أحمد كامل ومن تأليف سمر طاهر وشارك في بطولته فرح يوسف، انتضار، إنعام سالوسة، محمد محمود، إسلام إبراهيم، يوسف عمر، محمد فهيم، إلهام صفي الدين، هند عبد الحليم ومحمد علاء.